Андижон вилояти Мажбурий ижро бюроси томонидан йил давомида сув таъминоти ва оқова сув тармоқларига уланиш, ичимлик сувини талон-торож қилиниши, истеъмоли билан боғлиқ 13 та ноқонуний ҳолат аниқланиб, 13, 285, 6 миллион сўмлик далолатнома тузилган. Бу ҳақда Андижон вилояти МИБ матбуот хизмати «Дарё»га маълумот берди.
Хусусан, «Сувоқова» давлат унитар корхонаси Хўжаобод тумани филиалида масъул лавозимида ишлаб келган Қ.Дадажонов, фуқаролардан сув истеъмоли учун йиғилган 40 миллион 780 минг сўм маблағни ўз манфаати йўлида ишлатиб юборгани аниқланган.
Маълум қилинишича, МИБнинг Хўжаобод туман бўлими томонидан унга нисбатан Ўзбекистон Республикаси Жиноят кодексининг 167-моддаси 2-қисми «г» банди (Мансаб мавқейини суиистеъмол қилиб, ўзлаштириш ёки растрата йўли билан талон-торож қилиш) асосида жиноят иши қўзғатилган.
Жиноят ишлари бўйича Булоқбоши туман суди ҳукмига мувофиқ Қ.Дадажоновга тегишли жазо қўлланилган.
Маълумот учун, Андижон вилояти МИБ томонидан ўтган даврда 35 миллиард сўмдан ортиқ маблағ ундирилган.
Аввалроқ МИБнинг Тошкентда банклар фойдасига жами 1,5 миллиард сўм ундириб бергани ҳақида хабар бергандик.
Изоҳ (0)