Бугун,

  • USD 11095.31
  • RUB 173.84
  • EUR 10772.44

Дунёда 200 дан ошиқ мустақил давлат бор. Уларнинг ҳудуди хилма-хил: бирининг ҳудуди Ер куррасидаги қуруқликнинг 15 фоизини ташкил этса, яна бирининг ҳудуди бор-йўғи 1 квадрат километрга тенг.

Қуйида икки давлат ўртасидаги қуруқликдан ўтган энг узун чегаралар рейтингини тақдим этамиз.

10. АҚШ – Мексика, 3141 километр

Фото: Google Photos

Фото: Google Photos

Мексика ҳам қуруқликда бор-йўғи учта давлат билан чегарадош: шимолда АҚШ, жанубда Белиз ва Гватемала давлатлари билан.

Мексиканинг АҚШ билан чегараси қуруқликдан ўтган энг узун чегаралар рейтингида 10-ўринда жойлашган. Ушбу чегарани қўриқлаш АҚШ учун ниҳоятда катта муаммога айланган. Сабаби, бу чегара нафақат Марказий ва Жанубий Америка, балки бутун дунёдан АҚШга ноқонуний муҳожирлар кирадиган йўлак ҳисобланади. Шунингдек, АҚШ ва Канадага олиб кириладиган ноқонуний гиёҳванд моддалар йўлаклари ҳам шу чегарада жойлашган. Бу чегарада ноқонуний муҳожирлар ва гиёҳванд моддаларни ўтказиш учун кўплаб ер ости йўллари ковланган. АҚШ томони бу чегарани назорат қилишда қийинчиликларга дуч келгани учун, Трамп президент бўлиб сайлангандан сўнг бу чегарага баландлиги 5 метрли девор қуриш ишлари бошлаб юборилди.

Ушбу чегаранинг икки тарафидаги АҚШ ва Мексика шаҳар ва шаҳарчаларида жиноятчилик жуда юқори.

9. Хитой – Ҳиндистон, 3380 километр

Фото: Google Photos

Фото: Google Photos

Ҳиндистон ҳам дунёда қуруқликдан ўтган чегаралар узунлиги бўйича юқори ўринларда туради. Унинг қуруқликдан ўтган чегарасининг умумий узунлиги 14 минг километрдан ошади.

Унинг Хитой билан чегараси асосан «дунё томи» бўлган Ҳимолай тоғлари устидан ўтган.

8. Бразилия – Боливия, 3 423 километр

Фото: Google Photos

Фото: Google Photos

Бразилия ҳам дунёда қуруқликдан ўтган чегаралар узунлиги бўйича юқори ўринларда туради. Унинг қуруқликдан ўтган чегарасининг умумий узунлиги 15 минг километрга етади. Шундан 3 423 километри Боливия ҳудуди билан чегарадош.

7. Россия – Мўғулистон, 3 543 километр

Фото: Google Photos

Фото: Google Photos

Мўғулистон ўзи бор йўғи иккита давлат билан чеградош. Шимолда Россия, жанубда эса Хитой билан. Аммо Мўғулистоннинг ана шу иккита давлат билан бўлган чегаралари ҳам дунёда икки давлат ўртасидан ўтган энг узун чегаралар рейтингида юқори ўринларда туради.

6. Россия – Хитой, 3 645 километр

Фото: Google Photos

Фото: Google Photos

Россия дунёда қуруқликдан ўтган чегаралар бўйича Хитойдан кейин 2-ўринда туради ва унинг қуруқликдан ўтган чегараларининг умумий узунлиги 22 минг километрни ташкил этади.

Россиянинг Қозоғистон, Хитой, Муғулистон билан бўлган чеграралари икки давлат ўртасидаги чегаралар рейтингида юқори ўринларда туради.

5. Ҳиндистон – Бангладеш, 4 053 километр

Фото: Google Photos

Фото: Google Photos

Ҳиндистон ҳам қуруқликдан ўтган чегаралар узунлиги бўйича дунёда юқори ўринларда туради.

Бу мамлакатнинг қуруқликдан ўтган чегараларининг умумий узунлиги 14 103 километрни ташкил этади.

Бангладеш эса қуруқликда фақат иккита давлат, Ҳиндистон ва Мьянма билан чегарадош.

4. Хитой – Мўғулистон, 4 677 километр

Фото: Google Photos

Фото: Google Photos

Хитой қуруқликдан ўтган чегаралар бўйича дунёда 1-ўринда туради. Бу давлат қуруқликда жами 14 давлат билан чегарадош. Унинг энг узун чегараси Мўғулистон билан бўлган чегараси ҳисобланади.

Мўғулистон эса бор-йўғи иккита давлат билан чегарадош. Улардан бири Хитой, бири эса Россия.

3. Аргентина – Чили, 5 308 километр

Фото: Google Photos

Фото: Google Photos

Жанубий Америка қитъасида жойлашган Аргентина ва Чили ўртасида чегара дунёда икки давлат ўртасида қуруқликдан ўтган чегаралар рейтингида 3-ўринни эгаллайди. Агар харитага қарасангиз Чили Жанубий Америка қитъасида ингичка узун бўлиб шимолдан жанубга қадар чўзилган. Унинг кенгилиги ўртача 175 километрни, узунлиги эса қарийб 6 500 километрни ташкил этади. Ана шундай ингичка узунликда жойлашгани туфайли Чилининг қуруқликдаги ҳудудининг асосий қисми Аргентина билан чегарадош.

2. Россия – Қозоғистон, 7 598,8 километр

Фото: Google Photos

Фото: Google Photos

Дунёда қуруқликдан ўтган энг узун чегаралар бўйича АҚШ – Канада чегараси 1-ўринда, Россия – Қозоғистон чегараси 2-ўринда турса ҳам, қуруқликдан ўтган икки давлат ўртасидаги чегаранинг яхлитлиги бўйича Қозоғистон – Россия чегараси 1-ўринда туради. Сабаби, АҚШ – Канада чегараси икки қисмдан иборат. Биринчи қисми Канаданинг АҚШ билан жанубий чегаралари бўлса, иккинчи қисми шимолий қисмида Аляска билан чегарасидир.

Қозоғистон дунё океанига чиқмайдиган давлатлар орасида ҳудудининг катталиги жиҳатдан 1-ўринда туради.

Қозоғистон ва Россия чегараси ҳудудида бу икки мамлакатнинг биридан иккинчисига оқиб ўтадиган дарёлар шунчалик кўпки, чегаранинг 5 936,1 километри қуруқликдан, 1 516,7 километри дарёлардан, 60 километри эса кўл устидан ўтади.

1. АҚШ – Канада, 8 893 километр

Фото: Google Photos

Фото: Google Photos

Дунё харитасидан биламиз, Шимолий Америка қитъасини асосан икки йирик давлат – АҚШ ва Канада ҳудуди эгаллайди. Қитъанинг ўртасидан узун чегара ўтади. Шунингдек, қитъанинг шимолий қисмида АҚШнинг Аляска штати жойлашган ва у ерда ҳам чегара бор.

АҚШ ва Канада ўртасидаги чегара икки давлат ўртасидаги энг узун чегара рейтингида 1-ўринда бўлса ҳам, икки давлат ўртасидаги энг узун узлуксиз чегара рейтингида 1-ўринни Қозоғистон ва Россияга бўшатиб беради. Сабаби, АҚШ ва Канада ўртасидан ўтган чегара узлуксиз эмас, у уч қисмга бўлинади. Россия ва Қозоғистон ўртасидаги чегара эса турли дарёларни ва хариталарда кўринмайдиган битта кичкина кўлни айтмаганда яхлит чегара ҳисобланади.

Ушбу рейтингда кучли йигирматаликда Ўзбекистоннинг ҳам чегараси бор. 17-ўриндан Ўзбекистон ва Қозоғистон ўртасидаги чегара жой олган – 2 203 километр.

Фото: Google Photos

Фото: Google Photos

Ўзбекистон дунё океанига икки давлат ҳудудини ошиб чиқиши лозим бўлган дунёдаги икки давлатдан бири. Яна бири – Лихтенштейн.

Ўзбекистон бешта давлат –  Қозоғистон, Қирғизистон, Тожикистон, Афғонистон, Туркманистон билан ўзаро чегарадош. Қозоғистон билан чегара улар орасида энг узуни ҳисобланади.

Изоҳ
Асосий янгиликлар
Маҳаллий
Ўзбекистонда келаси ҳафта 42 даражагача иссиқ бўлади
Маҳаллий
Тошкентда йўлнинг қатнов қисмида пранк уюштирган йигитлар 3 суткага қамалди
Дунё
Дунё бўйлаб миллионерлар сони сезиларли даражада камайди