Ўзбекистон Ташқи ишлар вазири Абдулазиз Комилов 13 сентябрь куни Франция элчиси этиб тайинланган Изабел Сервоз-Галлуччини қабул қилди.
Вазирлик матбуот хизматининг хабар беришича, ишонч ёрлиқлари нусхаларини қабул қила туриб, вазир элчини тайинлов билан қутлади ва унга омад тилади.
Бўлиб ўтган суҳбатда кўп қиррали Ўзбекистон—Франция мулоқотини сифат жиҳатдан янги даражага кўтарган 2018 йилда Францияга расмий ташриф доирасидаги Президент Шавкат Мирзиёевнинг президент Эммануэл Макрон билан олиб борган музокаралари чоғида эришилган келишувларни амалга ошириш масалаларига муҳим эътибор қаратилган.
Сиёсат, иқтисод, туризм, маданият ва таълим каби соҳалардаги ўзаро ҳамкорликни янада ривожлантиришдан томонларнинг манфаатдорлиги тасдиқланган. Шунингдек, ўзаро савдо ҳажмларини ошириш ва қўшма инвестиция лойиҳаларини амалга ошириш истиқболлари муҳокама қилинган.
Франциянинг Ўзбекистондаги аввалги элчиси Виолен Биет де Вилмор августда дипломатик миссиясини якунлаган эди.
Изоҳ (0)