Биринчи халқаро ҳунармандчилик фестивали арафасида Қўқон шаҳридаги Ўрда майдонига туташувчи «Озодлик» хиёбонидаги йўл қопламасига 50 метр узунликдаги 3D расм чизилди. Бу ҳақда «Дарё»нинг Фарғона вилоятидаги мухбири хабар берди.
Андижонлик рассом Мурод Умар томонидан яратилган композиция кўза ва пиёла тасвиридан иборат.
Тасвир маълум масофа ва баландликдан суратга олинганида улкан кўза ва пиёланинг тик турган шакли пайдо бўлади.
Эслатиб ўтамиз, айни кунларда Қўқон шаҳрида биринчи халқаро ҳунармандчилик фестивали бўлиб ўтмоқда. Унда ҳунармандчиликнинг 34 йўналиши бўйича 1 116 нафар маҳаллий ҳунарманд иштирок этмоқда. Фестивалда 78 давлатдан ҳунармандчиликнинг 29 йўналиши бўйича 191 хорижлик ҳунарманд қатнашиши кутилмоқда.
Фестиваль доирасида «Ҳунармандчилик ва халқ амалий санъатини ривожлантириш истиқболлари» мавзусида илмий-амалий конференция ҳам ўтказилади. Унда 24 давлатдан 28 хорижлик ва ўзбекистонлик 6 нафар олим иштирок этади.
Изоҳ (0)