Россиялик молекуляр биолог Денис Ребриков феномни таҳрирлаш бўйича ўтказиладиган тажрибада иштирок этишни истаган кўнгиллиларни топди, деб хабар беради Meduza.
Тажрибада GJB2 гени орқали мутацияга учраган туғма кар жуфтлик иштирок этиш розилигини билдирган.
Биологнинг сўзларига кўра, иккала мижознинг ҳам геномида GJB2 гени нусхалари мутацияга учраган. Шу сабабли оиланинг биринчи фарзанди кар туғилган. «Улар кейинги фарзандларининг қулоғи эшитадиган бўлиб туғилиши учун ушбу тажрибада иштирок этишга розилик берган», — дейди олим.
Ҳозирда фақатгина тажрибани ўтказишга тайёргарлик кўрилмоқда. Бўлажак она тухум ҳужайрани қабул қилиш жараёнидаги гармонал индукция ҳолатида. Шундан сўнг in vitro геномини таҳрирлаш режалаштирилган. ДНК таҳлили мазкур усулнинг аниқлиги бўйича тушунча бериши керак: Ребриков CRISPR усули ёрдамида мутант генларни тўғрилаши орқали бошқа кутилмаган мутацияларни ҳосил қилиб қўйиши мумкин. Бу эса ўз навбатида муваффақиятли тажриба учун тўсиқ бўлиши мумкин.
Олимларнинг ҳисоб-китобларига кўра, тажрибанинг дастлабки натижалари бир неча ҳафта ичида маълум бўлиши керак. «Агарда индукция яхши ўтса ва ҳужайралар бир ҳафталар ичида пайдо бўлса, яна бир ҳафтадан сўнг эмбрион шаклланади, яна бир ярим ҳафталар ичида эса бу геномни тартиблаш бўйича тест натижаси ҳосил бўлади. Шундан кейингина мен Соғлиқни сақлаш вазирлигига талабнома жўнатаман», — дейди Денис Ребриков
Изоҳ (0)