Made in Uzbekistan. Бутун дунё танимоқда

Artel компанияси 4 сентябрдан 6 сентябргача бўлиб ўтаётган халқаро Aquatherm Almaty 2019 кўргазмасида иштирок этмоқда.

Aquatherm Almaty иситиш, совитиш, кондиционерлаш ва вентиляциялаш ускуналарини ишлаб чиқариш бўйича ўтказиладиган Ўрта Осиёдаги энг йирик кўргазмалардан бири ҳисобланади.

Aquatherm Almaty 2019 кўргазмасида Artel қуёш, газ ва электр энергиясида ишлайдиган сув иситгичларни ҳамда саноат ва маиший кондиционерларни тақдим этган.

Кўргазмада Ўзбекистон, Қозоғистон, Россия, АҚШ, Хитой, Италия, Корея, Туркия каби давлатлар компаниялари иштирок этмоқда.

Aquatherm Almaty 2019 кўргазмасида иситиш совитиш ускуналарини ишлаб чиқариш соҳасидаги дунёнинг етакчи мутахассислари билан тажриба алмашиш, янги технологиялар билан яқиндан танишиш ва уларни кўздан кечириш, ишлаб чиқарувчи корхоналар вакиллари билан алоқа ўрнатиш учун барча имкониятлар яратилган. Алоҳида айтиш лозимки, Aquatherm Almaty халқаро муносабатларни ривожлантириш ва мустаҳкамлаш, чет эл корхоналари билан янги ҳамкорлик муносабатларини яратиш ва экспорт алоқаларини кенг йўлга қўйиш учун йўл очиб беради.

Чет эл давлатлари билан бизнес-алоқалар ўрнатиш Artel маҳсулотларини хорижга экспорт қилиш учун кенг имкониятлар яратади. Хорижий бозорларда Artel маҳсулотларини пайдо бўлиши эса, ўз навбатида Ўзбекистон Республикаси Президенти Шавкат Миромонович Мирзиёев томонидан белгиланган энг устувор вазифалардан бири, яъни Ўзбекистоннинг экспорт салоҳиятини оширишга ўз ҳиссасини қўшади.

Президентимиз айтганларидек, «Экспортсиз битта ҳам корхонанинг келажаги йўқ. Мамлакатнинг келажаги йўқ».

Кўргазмада тақдим этилган Artel маҳсулотлари меҳмонлар орасида катта қизиқиш уйғотмоқда. Artel стендини кўздан кечирган барча меҳмонлар эса корхона маҳсулотларини юқори баҳолашмоқда.

Айтиш лозимки, Artel компанияси маҳсулотларига чет эл корхоналари қизиқишининг ортиб бориши нафақат Artel, балки Made in Uzbekistan концепциясига ҳам ижобий таъсир кўрсатади. Кўргазмага ташриф буюрган меҳмонлар Artel компанияси мисолида юртимиз корхоналари дунёнинг етакчи компаниялари маҳсулотлари билан рақобатлаша оладиган маҳсулотлар ишлаб чиқариши учун барча имкониятларга эгалигига ишонч ҳосил қилишмоқда, десак ҳеч ҳам муболаға бўлмайди.

Реклама ҳуқуқи асосида.