Бош прокуратура Андижон вилоятидаги мутасаддиларни танқид остига олган журналист Хуршид Далиевга нисбатан таҳдид қилинаётган ҳолат бўйича изоҳ берган.
‘Вазият жиддийлиги эътиборидан суриштирув натижалари ҳақида маълумот беришни сўраб, Бош прокуратура матбуот хизматига мурожаат қилдик.Аввалроқ, Хуршид Далиев Андижон вилоятидаги мутасаддиларни танқид остига олгач, исми-шарифи номаълум шахс уни ўлдириш билан таҳдид қила бошлагани, шундан сўнг журналист «Human.uz» сайтида баёнот билан чиққани ҳақида хабар бергандик.Маҳкама матбуот хизмати раҳбари, адлия маслаҳатчиси Ҳаёт Шамсутдиновнинг маълум қилишича, Хуршид Далиевнинг аризаси 2019 йил 28 август куни Наманган шаҳар ИИБга келиб тушган. Ҳозирда ИИБ томонидан тегишли ҳаракатлар олиб борилиб, аризада кўрсатилган телефон рақам эгасини аниқлаш чоралари кўрилмоқда. Натижаси ҳақида қўшимча хабар қилинади’, – дейилади Бош прокуратура ‘Дарё’га берган маълумотида.
Хуршид Далиев танқидий-таҳлилий чиқишлари билан эътиборга тушган журналист. Бир муддат «Ёшлар» телеканалида фаолият кўрсатган. Сўнг ижодий фаолиятини «Kun.uz» сайтида давом эттирган. Айни пайтда «Human.uz» сайтининг асосчиси ҳисобланади.
Изоҳ (0)