31 август куни янги Artel телевизорлари тақдимоти бўлиб ўтди. Янги телевизорлар (43AU20H, 50AU20H, 55AU20H) ултратиниқ 4K форматидаги экранларга эга бўлиб, севимли кўрсатувларингизни томоша қилаётганингизда сизга ўзгача роҳат бахш этади.
Google Assistant
Smart – телевизорлар ихтиро қилиниши билан барча севимли кўрсатувларни онлайн томоша қилиш имконияти пайдо бўлди. Бу қулайлик яратган бўлса-да, бир қатор ноқулайликларни ҳам юзага келтирди. Масалан, биринчи Smart — телевизорларда пульт ёрдамида севимли фильм ва кўрсатувларни номини ёзиш анча ноқулай бўлиб, кўп вақт талаб этган. Ҳатто телевизорлар учун махсус ишлаб чиқарилган симсиз клавиатура ва пультлар ҳам истеъмолчиларга тўлиқ қулайлик бахш эта олмади. Янги Artel телевизорларида ўрнатилган Google Assistant сизга беқиёс қулайлик ато этади. Эндиликда севимли кино ва кўрсатувларингизни қидиргунча ҳеч нарса ёзиш шарт эмас! Атиги битта тугмани босган ҳолда лозим бўлган фильм номини айтинг ва товушли ёрдамчингиз уни сизга топиб беради. Google Assistant — товушли ёрдамчи билан телевизорингиз барча буйруқларингизни бир зумда ва энг асосийси ўзбек тилида бажаради! Телевизорда ўзингизга мос тилни танланг ва янги ёрдамчингиздан роҳат билан фойдаланинг.
AndroidTV 9.0
Artel компанияси Google билан ҳамкорлик қилишни бошлади. Янги ҳамкорлик таниқли компания билан тўғридан-тўғри иш юритишга ва Artel телевизорларига бугунги кунда энг замонавий бўлган операцион тизимларни ўрнатишга кенг имкониятлар яратади. Алоҳида таъкидлаш лозимки, янги телевизорларда ўрнатилган AndroidTV 9.0 операцион тизими ҳатто айрим смартфонларда ўрнатилган операцион тизимдан ҳам замонавийроқ. AndroidTV 9.0 тизимнинг яна бир устунлиги шундаки, унда телевизордан қулайлик билан фойдаланиш учун лозим бўлган барча Google иловалари ва асосийси Google Play Market ўрнатилган. Google Play Market билан Artel телевизорингизда миллионлаб иловалар, ўйинлар ва мусиқадан баҳра олинг.Муҳим янгиликлардан яна бири, 2019 йил охиригача Artel компанияси ишлаб чиқараётган барча Smart моделидаги телевизорларга янги операцион тизимни татбиқ этишни режалаштирган.
Техник тафсилотлар
Янги Artel телевизорлари замонавий смартфонларга деярли тан бермайди. 2,25 гигабайт оператив хотирага эга бўлган Artel телевизорлари деярли барча замонавий иловалардан қулайлик билан фойдаланишга имкон беради. Уларда ўрнатилган 4 ядроли Медиатек процессори эса иловалардан фойдаланаётганда қўшимча қулайлик яратади. Айтиш жоизки, Artel телевизорларига 16 гигабайтгача флеш хотира ўрнатиш мумкин.
4K Ultra HD — Тўрт карра тиниқроқЯнги Artel телевизорларининг экран диагонали 43 дюйм (109 см), 50 дюйм (127 см) ва 55 дюймни (139 см) ташкил этади. Қизиғи шундаки, ҳатто 43 дюйм диагоналга эга бўлган янги Artel телевизорлари ақл бовар қилмайдиган 4K Ultra HD форматидаги экранга эга. 3840х2160 экран ўлчамига эга Ultra HD формати дунёдаги энг тиниқ форматлардан бири ҳисобланади. Ушбу экранлар шунчалик тиниқки, ҳатто ўта яқин масофадан ҳам экрандаги тасвир ўз жозибадорлигини йўқотмайди.
Янги Artel телевизорлари миллий электроника ишлаб чиқариш соҳасида инновация деса ҳеч муболаға бўлмайди. AndroidTV 9.0 операцион тизимда ишловчи ушбу телевизорларни нафақат Ўзбекистонда, балки бутун дунёда ҳам энг замонавийлардан бири деб аташ мумкин. Янги Artel телевизори билан севимли кўрсатувларингиздан тўрт карра кўпроқ баҳра олишга шошилинг!
Реклама ҳуқуқи асосида.
Изоҳ (0)