Мактабларда синфлардаги ўқувчилар сонининг белгиланиши аниқлаштирилди

Намунавий лойиҳалар бўйича қурилмаган, мослаштирилган биноларда жойлашган, ўқувчилар сони етарли бўлмаган мактабларда, олис (тоғли, чўлли) аҳоли пунктларида жойлашган мактабларда, шунингдек, ўзбек тилида ўқитилмайдиган мактабларда ўқувчилар сони синфларни тўлдиришнинг ўзига хос шарт-шароитларидан келиб чиқиб белгиланади. Бу ҳақда «Ҳуқуқий ахборот» канали хабар берди.

Ўқувчи кам бўлган мактабларда (филиалларда) бошланғич синф ўқувчилари қуйидаги ҳолларда битта синфга бирлаштирилиши мумкин:

— ўқувчилар сони 8 нафаргача бўлган I — IV синфлар;

— ўқувчилар сони 12 нафаргача бўлган учта бошланғич синф;

— ўқувчилар сони 24 нафаргача бўлган иккита бошланғич синф (I ва III, II ва IV синфлар).

Вазирлар Маҳкамасининг бу ҳақдаги қарори билан қуйидаги ҳавола орқали тўлиқ танишиш мумкин.