Президент Шавкат Мирзиёев 31 август куни эрта тонгда Тошкентдаги Шаҳидлар хотираси хиёбонига ташриф буюриб, қатағон қурбонларини ёд этиш маросимида иштирок этди.
Давлат раҳбарининг матбуот хизмати хабар берганидек, хиёбондаги рамзий қабр ёнида нуронийлар, уламо ва зиёлилар билан мулоқот бўлиб ўтган. Мулоқот сўнгида Президент Шавкат Мирзиёев дуо қилган.
Президент дуо ўқиётган кадрлар «Ўзбекистон 24» телеканали орқали намойиш этилди.
Илоҳим бугун қилган ҳамма дуои фотиҳаларимиздан шаҳид кетган милллатимиз фарзандларининг руҳлари шод бўлсин! Мана шу тинчлик, осойишталикнинг қадрига етиб, тилимизда эмас, дилимизда, ҳаракатимизда шукроналикка замин яратиб ҳаракат қилиш ҳаммамизга насиб қилсин! Илоҳим юртимиз тинч бўлсин! Илоҳим халқимизнинг — улуғ-улуғ йўлларда турибди, катта-катта ниятлар қиляпти — ниятлари ижобат бўлсин! Халқимизга садоқат билан хизмат қилган ҳамма раҳбарларимиз, уламоларимизга Худо таолонинг ўзи куч берсин, қудрат берсин! Келгуси йили шу кунларга ҳам соғ-саломат, юртимиз тинч, халқимиз рози, осмонимиз мусаффо бўлишига, шу кунларга етишга, Худо таоло, ўзинг мададкор бўл! Ҳаммамизга сиҳат-саломатлик, тинчлик, осойишталик бўлсин, илоҳим!Шавкат Мирзиёев, Ўзбекистон Президенти
Изоҳ (0)