Тошкентда 30 август оқшомида «Тунги велосайр» фестивали ўтказилади. Тошкент шаҳар ҳокимлиги ушбу фестивалда иштирок этишни истаган барча хоҳловчиларни соат 22:00 да Халқлар дўстлиги майдонига таклиф этмоқда. Велосайр Халқлар дўстлиги майдони — Сузук ота мажмуаси — Ҳазрати Имом мажмуаси — Халқлар дўстлиги майдони йўналиши бўйлаб ўтказилади.
«Фестивальда шахсий велосипедига эга бўлмаганлар учун ижара нуқталари ташкил қилинади (велосипедларни ижарага олиш учун шахсни тасдиқловчи ҳужжат талаб этилади). Велосайр давомида иштирокчиларга маълумотларга ФМ 104.0 радиотўлқини орқали етказиб турилади», — дейилади пойтахт ҳокимлиги ахборотида.
Фестиваль муносабати билан 30 август куни соат 22:00 дан 23:59 гача Тошкентнинг қуйидаги кўчалари транспорт ҳаракати учун қисман ёпилади:
- Халқлар дўстлиги майдонидан Қоратош кўчаси орқали Сузук ота мажмуасигача;
- Сузук ота мажмуасидан Кўкча дарвоза, Нурафшон кўчалари бўйлаб, Қорасарой кўчаси орқали Ҳазрати Имом мажмуасигача;
- Ҳазрати Имом мажмуасидан Қорасарой кўчаси, А.Қодирий кўчаси, Абай кўчаси бўйлаб, Олмазор ва Ислом Каримов кўчаси орқали Халқлар дўстлиги майдонигача.
Изоҳ (0)