Францияда ўтказилган халқаро форумда Грузия президенти Саломе Зурабишвили сўзга чиқиб, мамлакатнинг Россияга нисбатан иқтисодий боғлиқлигини камайтириш лозимлигини маълум қилди. Унинг сўзларига кўра, Грузияга «кўпроқ Европа сармоялари» керак, деб хабар беради «Коммерсант».
Зурабишвилининг таъкидлашича, Грузия Европа Иттифоқига киришга ҳаракат қилмоқда. «Бизга кўпроқ Европа сармоялари, Европа давлатларидан туристлар керак, шунингдек, маҳсулотларимизга янада кўпроқ европалик истеъмолчилар зарур», — дейди Грузия президенти.
Россия ва Грузия 2008 йилдан буён дипломатик алоқаларни олиб бормайди. Муносабатлар Тбилисининг ташаббуси билан Москва Абхазия ва Жанубий Осетия суверенитетини тан олганидан сўнг бузилган.
2019 йилнинг июнида икки мамлакат ўртасидаги можаролар янада кескин тус олди. Россия депутатлари делегациясининг раҳбари Сергей Гаврилов Грузия парламенти спикерининг ўриндиғига ўтириб олганидан сўнг, Тбилисида оммавий норозилик намойишлари бошланиб кетганди.
Изоҳ (0)