Самарқанд вилояти Ургут туманидаги Жартепа чегара пости яқинида тутқичи ва устуни билан бирга баландлиги 62 метр бўлган давлат байроғи қад ростлади. Бу ҳақда вилоят ҳокимлигининг Telegram-канали хабар берди.
Ушбу байроқ қад кўтариши муносабати билан байрам тадбири ташкил этилди. Байрам тадбирида туман ҳокимлиги, нуронийлар сўзга чиқиб, ўзбек халқи ғурури ва келажакка бўлган ишончининг мужассам ифодаси ҳисобланмиш давлат байроғи қад ростлаши муносабати билан туман аҳлини муборакбод этди.
Шунингдек, тадбир давомида ургутлик ёшлар иштирокида веломарафон ўтказилди.
Изоҳ (0)