Онлайн аукцион орқали 19 августдан 25 августгача бўлган давр мобайнида 682 та автомобиль рақамлари сотилди. Бу ҳақда Товар хом ашё биржаси келтирилган маълумотларга таяниб, Spot хабар бермоқда.
Сотилган давлат рақам белгиларининг умумий суммаси 3 миллиард сўмни ташкил қилган.
Рақобатли савдолар натижасида битимларнинг 20,5 фоизи биринчи тоифадаги авторақамларга 45,9 фоизи иккинчи ва 33,6 фоизи учинчи тоифа авторақамларга тегишлидир.
Шунингдек, биржа савдоларининг ҳажми 655,4 миллиард сўмдан 742,6 миллиард сўмга ошди. Валюта савдо майдончаси орқали деярли 2,9 миллион долларга тенг товарлар сотилди, бу эса аввалги ҳафта натижасига нисбатан 31,8 фоизга юқори.
Аввалроқ биржанинг «Авторақам» электрон савдо платформаси ишга туширилган пайтдан бошлаб умумий қиймати 245 миллиард сўмдан юқори 50 мингта автомобиль рақам белгилари сотилгани ҳақида хабар берилганди.
Изоҳ (0)