Швейцариянинг Алп тоғларидаги Симплон довонида самолёт ҳалокатга учради. «Gazeta.ru»нинг хабарига кўра, бунинг оқибатида уч киши ҳалок бўлган.
Вале кантони полициясининг маълум қилишича, 25 август куни Пипер самолёти Ғарбий Швейцария аэропортидан кўтарилиб, Италияга йўл олган. Орадан ярим соатдан кам вақт ўтиб, самолёт Италия чегараси яқинида қулаган ва ёниб кетган.
Ёниб кетган самолёт вайроналари остидан учувчи, йўловчи ва ёш боланинг жасади топилган. Полиция ҳалок бўлганларнинг шахсини расман тасдиқлаш кераклигини айтган.
Самолёт ҳалокатининг эҳтимолий сабаблари ҳозирча маълум қилинмаган.
Денгиз сатҳидан 2100 метр баландликда жойлашган Симплон довони жанубий Швейцарияни Италиянинг шимолий қисми билан боғлайди.
Изоҳ (0)