«Қизим бундан уялса-да, лекин ёрдам сўрашга мажбурман». Оққонга чалинган қизалоқ яхши инсонлар кўмагига муҳтож

Адиба Собиржонова 2004 йилда Қашқадарё вилояти Нишон  туманида туғилган. 7 ойдан буён ўткир лимфобластли  лейкоз касалли билан курашиб келмоқда.

Онаси Хабиба опанинг сўзларига кўра, касаллик аломатлари 2018 йил май ойларида юзага чиқа бошлаган. Даставвал турли шифохоналарда бир неча марта текширувлардан ўтган, аммо унга аниқ ташхис қўйишнинг имкони бўлмаган.

Январда шифокорлар уни Республика гематология ва қон қуйиш илмий-тадқиқот марказига юборишган. Шифохонада унга «ўткир лимфобластли  лейкоз» (оққон касаллигининг 1-фаол даври) ташхиси қўйилган. Январь ойидан буён Адиба пойтахтдаги  Гематология марказида даволаниб келмоқда.

Онасининг айтишича, дастлабки биринчи  даволаниш курслари учун 30 миллион сўм атрофида маблағ сарфланган бўлса, кейинги 2-курсида дори-дармонга 54 миллион сўмдан ортиқ харажат қилинган. Бу маблағларнинг аксарини танишлари ва яқинларидан қарз олишга мажбур бўлган.

«Келганимизда аҳволи оғир эди. Кўп бора кимётерапиясини олди. Учинчи курс тугади. Тўртинчи курс кучли кимё терапия муолажаларини оляпти. Кўп бора қон қуйишди. Яна асосий курсдан битта курси бор. Битта курсдан кейин қўллаб-қувватлов курслари бошланади.

Ҳозиргача кўп нарсамизни сотиб келдик. Катта миқдорда қарзга ботдик. Қариндошларимиздан, қўшниларимиздан 30 миллион сўмдан ортиқ қарзимиз мавжуд.

Қизим одамлардан бундай мақолалар ёзиб ёрдам сўрашимдан уяляпти. «Йўқ, керакмас, эртага дугоналарим устимдан кулади»,— деб рози бўлмаяпти. Лекин унинг тузалиб кетиши учун одамлардан моддий ёрдам сўрашга мажбурман.

Дорилари жуда қиммат. Навбатда турган кимё терапия курслари муолажалари, дорилари учун жуда катта маблағ талаб этиларкан. Даволаниш курсларини давом эттириш учун дори-дармонга имкониятимиз етмай анча қийналиб қолдик.

Саховатпеша сахий инсонлардан холис моддий ёрдам беришларини ўтиниб сўрайман»,— дейди Адибанинг онаси биз билан суҳбатда.

Оила бошлиғи айни пайтда мактабда ўқитувчи бўлиб ишлайди. Онаси эса уй бекаси. Шу боис оиланинг ҳар ой ижара ҳақини тўлашга ва Адибанинг дори-дармонларини олишга қўли калталик қиляпти.

Барча саховатпеша юртдошларимиздан Адибанинг  соғайиб кетишида имкон қадар ҳисса қўшишни сўраймиз!

Хайрия қилмоқчи бўлганлар учун керакли маълумотлар:

Пластик карта орқали: (Click, Payme)

Онаси Хабиба Мирзаэва номига очилган

Ўзбекистон Миллий банки:

8600 0204 8076 0375

Миллий банкнинг Шайҳонтохур филиалида  онаси Мирзаева Хабиба Тураевна номига очилган реквизитлари:

МФО: 00878    ИНН: 202436329

Корхона ва ташкилотлардан келиб тушадиган маблағлар транзити:

23120000 400000 878001

Хорижий давлатлардан маблағ юбориб, ёрдам бермоқчи бўлганлар учун онасининг паспорт маълумотлари:

Мирзаева Хабиба Тураевна

Паспорт рақами: АА 1529727

Бемор Адибанинг онаси Хабиба опанинг телефон рақами:

+998914705363

Telegram: +998914534797