Ўзбекистон мусулмонлари идораси раиси, муфтий Усмонхон Алимов 22 август куни Чеченистон раҳбари Рамзан Қодировнинг таклифига биноан Шали шаҳрида бунёд этилган масжиднинг очилиш тадбирида иштирок этиш учун жўнаб кетди.
Ўзбекистон мусулмонлари идораси матбуот хизматининг хабарига кўра, Ўзбекистон делегацияси таркибига ҳукумат вакиллари, уламолар, мударрислар ва ОАВ вакиллари киритилган.
Ушбу нуфузли маросимда давлат ва дин арбоблари, муфтийлар, таниқли ислом уламолари, соҳа мутахассислари ва экспертлар иштирок этади. Шунингдек, масжиднинг очилиш маросимида турли йўналишлардаги диний-маърифий тадбирлар ўтказилиши режалаштирилган.
Маълум бўлишича, ушбу масжид ўзбек меъморлари томонидан лойиҳалаштирилган ва Марказий Осиёга хос услубда қурилган.
Изоҳ (0)