Индонезия ҳукумати икки провинциядаги шаҳарларда оммавий норозилик юзага келганидан сўнг жамоат тартибини тиклаш мақсадида мамлакат шарқига қўшимча равишда 1000 нафар полиция ва ҳарбийларни йўналтирди. Бу ҳақда «ТАСС» хабар бермоқда.
Ҳуқуқ-тартибот органларининг расмий вакили Деди Прасетионинг сўзларига кўра, яқин вақт ичида Папуа ва Ғарбий Папуа провинцияларига яна камида 5 та махсус кучлар бўлинмалари юборилади.
Норозилик келиб чиқишига, 18 август куни мамлакатдаги катталиги жиҳатидан иккинчи ўринда турувчи Сурабая шаҳрида содир бўлган воқеа сабаб бўлган. Гувоҳларнинг айтишича, йирик этник гуруҳ вакиллари ҳисобланувчи яваликлар Папуа ва Ғарбий Папуа провинцияларидан келган талабаларни ҳақоратлаб, сўнг калтаклаган. Уларнинг сўзларига кўра, папуаликлар Мустақиллик куни деб белгиланган 17 августни нишонлашни хоҳламаган ва миллий байроқларни йиртган.
Мавзуга доир: Индонезиядаги қамоқхонадан 258 нафар маҳбус қочди
Изоҳ (0)