Ўзбекистон Республикаси маданият вазирининг биринчи ўринбосари Озодбек Назарбеков «Дарё» интернет-нашри учун эксклюзив интервью берди. Интервьюни журналист Феруз Муҳаммад ташкиллаштирди.
Суҳбат давомида Озодбек Назарбеков яна концерт бериши мумкинлиги, бунинг учун эса хонандага қандай имкониятлар кераклиги ҳақида гапириб берди.
Менда ижоддан тўхташ фикри бўлмаган. Худо хоҳласа ҳозир ҳам, бундан кейин ҳам ижод давом этади. Бу концерт кўринишида бўладими ёки бошқа бир шаклдами ижодимиз давом этади. Ўйлайманки, биринчи имконият пайдо бўлган куни, албатта, концерт берамиз. Яъни имконият пайдо бўлди дегани, бу камида тўрт ой бўш вақтим бўлиши керак дегани. Концертга тайёрланишим, қўшиқлар ҳозирлаб, репетиция қилишим керак. Концерт шаклини, ғоясини ўйлаш, унинг устида ишлаш учун қарийб ярим йил вақт керак бўлади. Ўша вақт, имконият пайдо бўладиган бўлса, биринчи бўлиб қиладиган ишим, концерт бериш бўлади.Озодбек Назарбеков, Ўзбекистон Республикаси маданият вазирининг биринчи ўринбосари
Изоҳ (0)