Тошкент шаҳар Ёнғин хавфсизлиги бошқармаси 17 августдан 18 августгача қадар содир бўлган ёнғинлар ҳақида маълумот берди.
Тошкент шаҳрида ўтган сутка давомида 7 та ёнғин ҳолати қайд этилган бўлиб, шулардан 6 таси қуриган ўсимлик ва чиқиндиларнинг ёниши билан боғлиқ бўлган ёнғинни ташкил этмоқда. Ёнғинларда инсонларнинг ҳалок бўлиши ёки тан жароҳати олиши ҳолатлари қайд этилмади.
17 август куни соат 17:50 да Юнусобод тумани Хасанбой 7-тор кўчаси 31-уйнинг ҳужрахонаси 20 квадрат метр майдони ёнган.
Ёнғиндан уйнинг 130 квадрат майдонидаги қурилмалари сақланиб қолинган. Ёнғин ўчириш жанговар бўлинмалари чақирилган манзилга соат 17:55 да етиб борган, ёнғин соат 18:07 да қуршаб олиниб, соат 18:39 да бартараф этилган.
Ёнғин оловдан фойдаланишда эҳтиётсизлик оқибатида содир бўлган деб тахмин қилинмоқда. Ёнғиндан келтирилган моддий зарар миқдори аниқланмоқда. Ёнғин жойига 2 та ёнғин ўчириш техникаси жалб қилинган.
Изоҳ (0)