Номаълум шахс 2017 йил сентябрида Тошкентнинг Чилонзор туманида яшовчи 41 ёшли А.Т.га Жанубий Кореяга ишлаш учун виза олиб беришни ваъда қилиб, унинг ишончига кирган.
Сўнг ундан 1,5 минг доллар пулни унинг уйида олиб, шу кунга қадар берган ваъдасини бажармай воқеа жойидан яширинган. Ҳолат юзасидан жиноят иши қўзғатилган эди.
Хабар беришларича, кўрилган чоралар натижасида ушбу жиноятни Юнусобод-12 мавзесида яшовчи 42 ёшли М.А. содир этганлиги аниқланиб, ушланган.
Ўзбекистон ИИВ Жамоатчилик ва ОАВ билан алоқалар бошқармасининг хабар беришича, ҳозирда тергов ҳаракатлари давом этмоқда.
Изоҳ (0)