«АрМИ – 2019». Ўзбекистонлик ҳарбий тиббиётчилар «Индивидуал маҳорат» шартида энг яхши эканликларини кўрсатди

«Фориш» полигонида 9 август куни «Ҳарбий-тиббий эстафета» танловида иштирок этаётган жамоаларнинг эркак ва аёллари «Индивидуал маҳорат» шартида ўз кўникмаларининг намойиши бўйича махсус машқларни бажарди. Бу ҳақда Мудофаа вазирлиги Ахборот ва оммавий коммуникациялар департаменти «Дарё»га маълум қилди.

Унда 11 мамлакат шарафини ҳимоя қилган ҳарбий хизматчилар икки йўлакчада, қисқа масофадаги стартдан финишгача: шартли ярадор беморнинг қўлини жгут билан боғлаш ва белгиланган маррагача судраб бориш; ўпка-юрак реанимациясида юрак ёпиқ массажи махсус манекенга сунъий нафас бериш ҳамда шартли беморнинг қўлини боғлаган ҳолда, хавфсизлик қоидаларига риоя этиб, уни кўтарганча ҳудуддан эвакуация қилиш вазифаларини бажарди.

Нуфузли танлов низомига кўра, аёллар ўртасида шартли беморнинг оғирлиги – 62 килограмм бўлса, эркаклар ўртасида – 70 килограммни ташкил этди (бронежилетдан ташқари). Натижалар билан қуйида танишишингиз мумкин.

Шифокорлар ўртасида:

1. Элмурод Бобожонов (1178 балл) — Ўзбекистон;
2. Андрей Малахов (990 балл) — Россия;
3. Нуржан Капезов (929 балл) — Қозоғистон.

1. Валижон Бегалиев (1101 балл) — Ўзбекистон;
2. Шоҳрух Иброҳимов (1062 балл) — Ўзбекистон;
3. Ҳокимбек Мадаминжонов (1050 балл) — Ўзбекистон.

1. Ойдин Убайдуллахўжаева (802 балла) — Ўзбекистон;
2. Лилия Манасипова (781 баллов) — Ўзбекистон;
3. Саидахон Абдумўминова (777 баллов) — Ўзбекистон.