Алмазбек Атамбаевнинг қизи Алия Шагиева отаси билан содир бўлган воқеаларга муносабат билдирди, деб хабар беради «К-News».
«Отамни гўё Қирғизистондан жиноят оламининг авторитети ҳисобланмиш Батукаевнинг чиқариб юборилишига боғлиқ иш бўйича гувоҳ сифатида кўрсатма бериши учун қўлга олмоқчи бўлишди, бироқ аслида уни муҳолиф фаолияти учун ҳибсга олишмоқчи эди. Отам Батукаев иши бўйича барча билганларини ОАВга айтиб берган бўлсада, Конституциявий суднинг сўроқ бўйича қарорини кутишларини талаб қилди. Тергов органларига барча маълумотларни ёзма равишда тақдим этишга тайёрланаётган эди. Биз ахир Кубан Кулматов ва Сапар Исаков «гувоҳлик кўрсатмаси»ни бериш учун бориб, ҳибсга олинганини эслаймиз. Ҳеч қандай судсиз, ҳеч қандай суриштирувсиз.
Отамнинг сўзларига кўра, ушбу вазият қонуний доирага тушгунга қадар ва Конституциявий суд қарори чиқмагунигача, биз ўзимизни ҳимоя қилиш ҳуқуқига эгамиз. Шу сабабли собиқ президентнинг уйига амалга оширилган ҳар қандай ҳужум жиноят ҳисобланади.
Махсус хизмат ходимлари отам ҳар куни ўзини қўллаб-қувватлашга келган одамларнинг олдига чиқадиган пайтда бостириб келди. Кўпчиликни ҳужум отам билан шунчаки расмга тушиш учун келган аёллар ва болалар тўпланган вақтда амалга оширилиши ғазабга келтирди. Яъни ҳукумат томонидан ноқонуний ҳужумни уюштириш бўйича атайдан белгиланган вақт оммавий можарони келтириб чиқарди.
Бундан ташқари, Миллий хавфсизлик давлат қўмитаси аввалига фақат травматик қуроллардан фойдаланганини айтганига қарамай, кейин ўнлаб ўқотар қурол ва патронлар йўқолганини билдирди.
Отам ҳибсга олинганидан кейиноқ менга қўнғироқ қилиб, янги қурбонлар бўлмаслиги учун кучишлатар тузилмаларга таслим бўлганини айтди. Ҳақиқат биз тарафда. Отам ноқонуний равишда қўлга олинди! Отам — мансабидан мардларча кетган ҳалол одам. Бизга ҳозир жуда зарур қўллаб-қувватлов учун раҳмат!», — деб ёзади Шагиева.
https://www.facebook.com/100008269804656/videos/2429240320694938/
Изоҳ (0)