8 август куни соат 17:21 да «102» рақамига фуқаро қўнғироқ қилиб, Бухоро шаҳри Пиридастгир кўчасида жойлашган 23-сонли мактаб олдидаги ариқдан ўғил боланинг жасади оқиб келганлигини билдирган.
Олиб борилган суриштирув ҳаракатлари давомида ушбу жасад Когон тумани Сорғун маҳалласида яшаган, 2017 йилда туғилган Ш.Н.га тегишли эканлиги аниқланган. Маълум бўлишича, бола шу куни эҳтиётсизлиги оқибатида яшаш уйининг олдидан оқиб ўтувчи ариқга тушиб кетиб, сувга чўккан.
«Ҳурматли ота-оналар! Ёш фарзандларингизнинг хатти-ҳаракатларига эътиборли бўлинг, асло назоратдан четда қолдирманг! Очиқ сув ҳавзаларига яқин боришига йўл қўйманг. Акс ҳолда бундай бахтсиз ҳодиса қурбони бўлмаслигига ҳеч ким кафил бўла олмайди», — дейилади Бухоро вилояти ИИБ матбуот хизмати хабарида.
Изоҳ (0)