Promadik Invest компанияси «Капиталбанк»нинг 36 фоиз акциясини сотиб олди. Бу ҳақда Тошкент Республика фонд биржаси маълумотларига таяниб, Spot хабар берди.
Эълон қилинган маълумотга кўра, компания 40 миллион 135 минг 986 дона акциясига эга бўлди. Бунга қадар 18 фоиз акция Optima Leasing, 10 фоиз акция East West Invest ва 7 фоиз акция Капитал Суғурта ва Express Leasing компанияларига тегишли эди. 58 фоиз акциялар эгаси сифатида «акционерлар» кўрсатилган.
Банк кузатувчилар кенгаши таркибидан Promadik Invest вакили Алексей Губайдулин номи ўрин олган.
Корхоналар ва ташкилотлар ягона давлат регистри маълумотларига кўра, Promadik Invest компанияси 2007 йилда ташкил этилган. Устав фонди — 399 миллион сўм. Асосий фаолият тури сифатида қишлоқ хўжалиги техникалари ижараси ва лизинги кўрсатилган. Компаниянинг 95 фоиз акциялари Ойбек Турсунов, 5 фоиз акция эса Исмоил Муродовга тегишли.
«Капиталбанк» — Ўзбекистондаги хусусий тижорат банкларидан бири. 2004 йилда у «Авиабанк» билан бирлашиб, акционерлик тижорат банкига айланган. Банк бошқаруви раиси — Олег Ким.
Изоҳ (0)