Акциядорлик-тижорат «Қишлоқ қурилиш банк» ўзининг 25 йиллигини нишонламоқда.Ўзбекистон Республикаси Вазирлар Маҳкамасининг 1994 йил 20 июндаги қарорига асосан, 1994 йил 2 августдан «Ғаллабанк» фаолият юрита бошлади.Ўзбекистон Республикаси Президентининг 2009 йил 30 мартдаги қарори асосида «Ғаллабанк» негизида «Қишлоқ қурилиш банк» ташкил этилди. Мазкур саналар банк фаолиятида ёрқин из қолдирган тарихий воқелик ҳисобланади.Ўтган йиллар давомида банк мижозларга хизмат кўрсатиш, қишлоқ қурилишини кредитлаш, тадбиркорлик субъектлари лойиҳаларини қўллаб-қувватлаш, инвестицион лойиҳаларни молиялаштириш, аҳоли тадбиркорлигини ривожлантириш борасида сезиларли тажриба тўплади. Йилдан йилга банк томонидан кўрсатилаётган хизматлар кўлами, мижозлар базаси ва инфратузилмалар тармоғи кенгайиб борди.
Банк 25 йил аввал ўз фаолиятини 8 нафар ходим ва 10 та мижозга хизмат кўрсатиш билан бошлаган бўлса, бугунги кунга келиб банк тизимида 3 000 дан зиёд ходим иш юритмоқда ва 807 мингдан зиёд мижозларга хизмат кўрсатилмоқда. Банкнинг дастлабки устав сармояси 8 млн. сўмдан иборат бўлган бўлса, ушбу кўрсаткич бугунга келиб 1 триллион 481 миллиард сўмдан ортди.Бугунги кунда «Қишлоқ қурилиш банк»нинг соф активлари 10 триллион 996 миллиард сўмни ва жами капитали 1 триллион 310 миллиард сўмни ташкил қилмоқда.Банк 42 та филиал, 38 та минибанк, 41 та жамғарма ва 52 та валюта айирбошлаш ҳамда 44 та халқаро пул ўтказмалари шохобчалари орқали республика ҳудудларида аҳолига замонавий хизматларни кўрсатмоқда.
«Қишлоқ қурилиш банк» ўтган йиллар давомида қишлоқ жойларда намунавий лойиҳалар асосида уй-жойлар қуриш бўйича давлат дастурларининг фаол иштирокчиси бўлиб келмоқда. 2009—2019 йилларда республикамизда 123 мингдан ортиқ намунавий лойиҳалар асосида уй-жойлар қурилиши бўйича иш олиб борилди. Ушбу уй-жойларнинг 80 мингдан ортиқ қисми бевосита мазкур банк томонидан молиялаштирилди. Шу даврда қурилиш ишлари учун 15,41 триллион сўмдан ортиқ маблағ йўналтирилди. Бу борада мазкур банк томонидан молиялаштирилган уй-жойлар учун 3,23 триллион сўм аҳолининг маблағлари, 6,34 триллион сўм банкнинг имтиёзли ипотека кредити маблағлари сарфланди.Ўзбекистон Республикаси Президентининг 2018 йил 5 апрелдаги «Мактабгача таълим тизимини янада рағбатлантириш ва ривожлантириш чора-тадбирлари тўғрисида»ги қарори ижросини таъминлаш доирасида банк Жиззах вилоятида мактабгача таълим муассасалари қурилишини молиялаштиришда қатнашмоқда. Банк томонидан 2018—2019 йиллар давомида вилоятдаги лойиҳа қиймати 150 миллиард сўмдан ортиқ бўлган 52 та мактабгача таълим муассасаси қурилишига жами 93 миллиард 266 миллион сўмлик кредит ажратилди.
Банк сармоялари асосида ўтган йиллар давомида ҳудудларда қад ростлаган намунавий уй-жойлар ва ижтимоий соҳа объектлари оилаларнинг уй-жойга ҳамда мактабгача таълимга бўлган эҳтиёжини қондирибгина қолмасдан, юртимиз кўркига кўрк қўшиб, аҳолининг яшаш тарзи сифатини оширишга хизмат қилмоқда.Банкнинг капиталлашув даражаси ва депозитлар ҳажмининг ўсиши, ўз навбатида актив операциялар ҳажмини ошириш, хусусан, кредитлаш имкониятларини янада кенгайтирмоқда. Банкнинг кредит қўйилмалари миқдори 2019 йил биринчи ярим йиллиги якунига келиб 10 триллион 32 миллиард сўмни ташкил этди.2009—2018 йиллар давомида «Қишлоқ қурилиш банк» томонидан 212 326 нафар жисмоний шахсларга 7 триллион 900 миллиард сўмдан ортиқ, 29 794 та юридик шахсларга 6 триллион 856 миллиард сўм, 11 729 нафар якка тартибдаги тадбиркорларга эса 591 288 миллион сўм миқдорида кредитлар ажратилган.
Биргина 2019 йилнинг ўтган даврида кичик бизнес субъэктларига банкнинг ўз маблағлари ҳисобидан 1 триллион 156 миллиард сўм миқдорида кредит ажратилди.«Ҳар бир оила—тадбиркор» дастури ижроси бўйича 17 629 нафар оилаларга 356,7 миллиард сўм миқдорида кредитлар ажратилди.Ўзбекистон Республикаси Президентининг 2019 йил 7 мартдаги «Ҳудудларда аҳолини тадбиркорликка кенг жалб қилиш ва оилавий тадбиркорликни ривожлантиришга доир қўшимча чора тадбирлар тўғрисида»ги қарорига мувофиқ 291,4 миллиард сўм миқдорида микрокредитлар ажратилган бўлиб, шундан 2312 нафар кам таъминланган оилаларга 47,6 миллиард сўм миқдорида имтиёзли кредитлар ажратилди.2011—2019 йиллар давомида тадбиркорлик субъектларини қўллаб-қувватлаш, асосан қишлоқ хўжалиги, мева-сабзавотчилик, чорвачилик, сутчилик ҳамда хусусий секторни ривожлантириш мақсадида банк ва хорижий молия институтлари ўртасида 182 миллион 938 минг АҚШ доллари қийматидаги шартномалар тузилган. Ҳозиргача тадбиркорлик субъектларининг 400 га яқин инвестицион лойиҳалари учун 125 миллион 422 минг АҚШ доллари миқдорида кредитлар ажратиб берилган.
Энг муҳими, «Қишлоқ қурилиш банк» томонидан ажратилаётган кредитлар ҳудудларда янги ишлаб чиқариш қувватлари ва иш ўринлари ташкил этилишига, замонавий сервис йўлга қўйилишига, аҳоли тадбиркорлиги ривожига ҳисса бўлиб қўшилмоқда.
2019 йилнинг 6 ойи давомида банкда жами омонатчилар сони 98 800 дан 104 600 нафарга етди, яъни омонатчилар сони 5800 нафарга ўсди. Омонатлардаги маблағлар қолдиғи 633 миллиард сўмдан ортди. Аҳолининг банкдаги омонатлар қолдиғи йил бошига нисбатан 87 миллиард сўмга ёки 116 фоизга ортишига эришди. Банкдаги омонатлар қолдиғи ўтган йилнинг шу даврида 586,4 миллиард сўмни ташкил қилган эди, жорий йилнинг 1 июль ҳолатига бу кўрсаткич 108 фоизга ошди.
Мижозларга қулайлик яратиш банк томонидан жорий қилинаётган хизматларнинг асосини ташкил этади. Шунга мос равишда ахборот-коммуникация технологиялари асосида масофадан бажариладиган амалиётлар кўпаймоқда. Шунингдек, республика ҳудудларида 24/7 режимида, кечаю кундуз, ходимсиз хизмат кўрсатадиган ўз-ўзига хизмат кўрсатиш шохобчалари тармоғи тобора кенгаймоқда. Ҳозирга келиб улар сони 28 тага етди.Банк тизимида яратилган бу каби қулайликлар «Мижоз банк учун эмас, банк мижоз учун» тамойилининг амалий тасдиғи дейиш мумкин.«Fitch” ва “Moody's» халқаро рейтинг агентликлари томонидан АТБ «Қишлоқ қурилиш банк»нинг барча рейтинглар истиқболи «Барқарор» деб эътироф этилди.Бир сўз билан айтганда, 25 йиллигини нишонлаётган мазкур банк ўтган йиллар давомида Ўзбекистон банк тизимида ўз ўрнига эга бўлди ва иқтисодий ислоҳотларнинг фаол иштирокчисига айланди.«Қишлоқ қурилиш банк» — фаровон ҳаётингиз хизматида!
Мурожаат учун:
Телефон: (+99878) 150-93-39, 150-39-93
Веб сайт: www.qqb.uz
Telegram: https://t.me/QQBANK
Facebook: FB.com/official.qqb.uz
Банк ахборот хизмати
Реклама ҳуқуқи асосида.
Изоҳ (0)