Ғазо сектори чегарасида Исроил ҳарбийлари билан отишма пайтида бир нафар фаластинлик ҳалок бўлди. Бу ҳақда «ТАСС» хабар бермоқда.
Автомат ва гранаталар билан қуролланган ва ҲАМАС ҳаракати кийимида бўлган фаластинлик фуқаро Ғазо чегарасини кесиб ўтган ва исроиллик аскарларга қарата ўқ узган. Бунга жавобан унинг ўзи отиб ўлдирилган. Отишмада бир нафар офицер ҳамда икки нафар исроиллик аскар яраланган. Улар ҳарбий касалхонага етказилган.
ҲАМАС Фаластин ҳаракати мазкур ҳодиса юзасидан баёнот бермаган. Бўлиб ўтган отишмадан сўнг Исроил армияси блокланган секторда жойлашган ҲАМАС нуқталарига бир неча зарба бергани ҳақида хабар қилинган эди. Қурбонлар ва етказилган зарар ҳақида маълум қилинмаган.
Изоҳ (0)