2017 йилда Санкт-Петербург метросида уюштирилган теракт буюртмачиси Суриянинг Идлиб шаҳрида бўлиши мумкин, деб хабар қилади Sputnik.
«Жиноят буюртмачиси – Сирожиддин Мухторов, иккинчи номи Абу Салах, айни дамда Суриядаги Идлиб шаҳрида бўлиши мумкин. У олдин Алепподаги ўқув марказини бошқарган, интернет ва ижтимоий тармоқларда террорчилик фаолиятини тарғиб қилиш билан шуғулланган», — деди прокурор суд вақтида.
2017 йилнинг 3 апрель куни Санкт-Петербург метросининг «Сенная плошадь» ва «Технологический институт-2» бекатлари орасида кучли портлаш содир бўлган эди. Ўшанда террорчи ва 14 нафар тинч аҳоли вакиллари қурбон бўлганди.
Дастлабки маълумотларга кўра, теракт ижрочиси 22 ёшли Акбаржон Жалилов бўлган. Унинг фаолияти хориждан туриб бошқариб турилган. Ушбу жиноий иш юзасидан жами 11 киши ҳибсга олинган.
Изоҳ (0)