Тошкент шаҳар Шайхонтоҳур туманидаги «Шайхонтоҳур» маҳалласи аҳолиси маҳалла эътиборга муҳтож бўлиб қолганидан шикоят қилди, деб хабар бермоқда ЎзА.
Маълум бўлишича, «Шайхонтоҳур» маҳалласи аслида 2-сектор ҳудудига қарашли. Маҳалла ўтган йили «Обод маҳалла» дастурига кирганига қарамай, обод эмас. Атрофда ахлатхоналар пайдо бўлган. Кўчалар қаровсиз қолган, болалар ўйингоҳи эса жуда хароб аҳволда.
«Обод маҳалла» дастури доирасида аҳоли фойдаланаётган мавжуд бетон гаражлар бузилган. Бунга бир йилдан ортиқ вақт бўлган бўлса ҳам, ўз ҳолига ташлаб қўйилган. Аҳолининг сўзларига кўра, яқин вақтга қадар бу ерлардан ахлатхона ўрнида фойдаланилган. Одамларнинг кўп жойга мурожаатидан кейингина, ахлат уюми олиб ташланган.
Ҳудуддаги бу жой қаровсиз қолганлиги боис аҳолининг ўзи замонавий автотураргоҳ қуриш учун масъулларга мурожаат қилган, аммо уларнинг мурожаати эътиборсиз қолган.
Изоҳ (0)