19 июль куни соат 02:55 да Мирзо Улуғбек тумани, Мустақиллик ва Шаҳрисабз кўчалари кесишувида жойлашган қурилиш майдони худудида қурилиш вагони 10 квадрат метр майдонда аланга олди. Бу ҳақда Тошкент шаҳар ёнғин хавфсизлиги бошқармаси маълум қилди.
Ёнғин ўчириш жанговар бўлинмалари чақирилган манзилга соат 03:00 да етиб борган. Кўрилган тезкор чора ва ҳаракатлар натижасида ёнғин соат 03:05 да бартараф этилган.
Ёнғин электр симларининг қисқа туташуви оқибатида содир бўлган деб тахмин қилинмоқда.
Келтирилган моддий зарар миқдори аниқланмоқда. Ҳодиса жойига 2 та ёнғин ўчириш техникаси жалб қилинган.
Содир бўлган ёнғинда инсонларнинг ҳалок бўлиши ва тан жароҳати олиш ҳолатлари қайд этилмади.
Изоҳ (0)