Boeing корпорацияси 737 МАХ моделидаги самолётлар парвозининг тўхтатилиши сабаб 2019 йилнинг II чорагида 5,6 миллиард зарар кўради, деб хабар берди «РИА Новости».
Корпорациянинг II чоракка оид тўлиқ молиявий ҳисоботи 24 июль куни эълон қилинади.
737 МАХ самолётларининг парвози шу турдаги иккита ҳаво кемаси ҳалокатга учраганидан сўнг, АҚШ ва бошқа кўплаб мамлакатларда тўхтатиб қўйилди. Март ойида Эфиопияда Boeing 737 МАХ’нинг фалокатга учраши оқибатида 157 киши ҳалок бўлган эди. 2018 йилнинг ноябрида эса худди шу турдаги самолёт Индонезияда ҳам ерга қулаб тушган.
Содир бўлган кўнгилсиз ҳодисалардан сўнг, 20 га яқин давлатлар бу турдаги моделнинг ўз ҳудудига киришини тақиқлаган.
Изоҳ (0)