Американинг Amazon компанияси сотувчиларга тегишли маълумотлардан фойдалангани учун кўп миллиардли жаримага тортилиши мумкин, деб хабар беради «Korrespondent.net».
Таъкидланишича, Еврокомиссия Жефф Безоснинг компаниясига қарши антимонопол текширувни бошлаб юборган. Компания онлайн майдонлардаги мустақил савдогарларга тегишли шахсий маълумотлардан фойдаланганми ёки йўқлиги текширилади.
Еврокомиссиянинг дастлабки тергов натижаларига кўра, компания ўз платформасидан жой ажратиб берган савдогарларнинг маҳсулотлари, битимлари ва фаоллиги ҳақидаги маълумотлардан фойдаланиб келган.
Еврокомиссия Amazon’га йил давомидаги даромадининг 10 фоизи миқдорида жарима белгилаши мумкин. Таъкидлаш керакки, 2018 йилда Amazon 232,9 миллиард доллар даромад кўрган.
Изоҳ (0)