Сергели туманидаги қурилиш участкаси ҳудудида 12 июль куни автокран ёниб кетди, деб хабар бермоқда «Халқ сўзи Online».
Қайд этилишича, соат 11:49 да Сергели туманида 8-сонли арзон уй-жойлар қурилиш майдонида ишлаётган автокранда ёнғин чиққан. Ёнғинга юқори вольтли электр ўтказгич ва кран ўртасидаги туташув сабаб бўлгани айтилмоқда. Яъни кран юқори вольтли ток ўтган симга тегиб кетган. Оқибатда кран ҳайдовчиси ёнғиндан ҳалок бўлган.
Воқеа жойига ўт ўчирувчилар 12:00 да етиб келган ва ёнғин соат 12:34 да бартараф этилган. Ҳозирда ёнғин оқибатида кўрилган зарар миқдори аниқланмоқда.
Изоҳ (0)