Қашқадарё вилояти Қарши туман Қовчин ҚФЙда ҳам фаланга деб аталувчи ҳашаротлар кўпаяётгани ҳақида «Дарё» мобил мухбири Умидахон Соатмуродова хабар бермоқда. Фаланга асосан уйлар ичидан чиқмоқда.
«Унинг энг ҳайратланарли жиҳати шундаки, уни уриб, ўлдириб, янчиб ташланса ҳам, 1—2 дақиқадан кейин яна тирилиб, ўз ҳолатини тиклаб олади…Жуда тез ҳаракатланади, худди ўргимчак-чаёндек...Кўриниши жудаям ғалати, ёқимсиз ҳашарот…Юртдошларимиздан шунақа фаланга деб аталувчи ҳашаротдан эҳтиёт бўлишларини сўраб қоламиз», — дейилади мобил мухбир хабарида.
Эслатиб ўтамиз, аввалроқ Тошкент вилояти Бекобод туманидаги Жумабозор ҚФЙ атрофидаги дала ҳовлиларда фаланга (ўргимчаксимон заҳарли жонивор) пайдо бўлгани маълум қилинган эди.
Таъкидланишича, фаланга заҳарли эмас, аммо унинг чақиши жуда оғриқли бўлади, чаққан жой битиб кетиши узоқ вақт олади. Яна, улар одамлардан қўрқмайди.
Изоҳ (0)