Мирзиёд Юнусов электротехника саноат корхоналарини бирлаштирган «Ўзэлтехсаноат» уюшмаси бошқаруви раиси лавозимига тайинланди, дея хабар бермоқда «Газета.uz».
Ушбу тайинловга қадар Мирзиёд Юнусов Artel Engineering and Management компаниясида департамент мудири лавозимида фаолият кўрсатган.
Хабар беришларича, бош вазир Абдулла Арипов 5 июль куни уюшмада йиғилиш ўтказиб, кадрлар масаласини муҳокама қилган. Учрашувдан сўнг «Ўзэлтехсаноат»га 12 мартдан буён раҳбарлик қилиб келаётган Алишер Абдуллаев лавозимини тарк этди.
Май ойи охирида «Ўзэлтехсаноат» корхоналари Президент қарори билан 2022 йил 1 январга қадар Ўзбекистонда ишлаб чиқарилмайдиган ва импорт қилинган хом ашё, материаллар, бутловчи қисмлар ва ускуналар учун божхона божларини тўлашдан озод қилинган эди.
Бундан ташқари, 1 июлдан бошлаб жумладан стратегик субъэктлар томонидан электротехника ва электромаиший маҳсулотлар давлат харидларида маҳаллий ишлаб чиқарувчиларга нисбатан 20 фоизгача нарх преференсияси қўлланилади.
Изоҳ (0)