Американинг Boeing авиаконцерни Эфиопия ва Индонезияда ҳалокатга учраган иккита 737 MAX лайнери йўловчиларининг қариндошлари ва яқинларига 100 миллион доллар ажратади, деб хабар берди «Korrespondent.net».
Таъкидланишича, ажратилган маблағнинг бир қисми таълимга, ҳалок бўлганлар оиласининг кутилмаган харажатларни қоплашга ва яшаши учун сарфланади.
Пуллар бир неча йил ичида мунтазам тўлаб борилади.
«Борт ичида бўлганларнинг оиласи ва яқинларига чуқур қайғуда эканлигимизни билдирамиз ва бизнинг ушбу қадамимиз уларга бироз бўлсада таскин топишларига ёрдам беради деган умиддамиз», — дейди концерн раҳбари Дэннис Меленберг.
Эслатиб ўтамиз, жорий йилнинг 10 март куни Эфиопияда Boeing самолётининг фалокатга учраши оқибатида 157 киши, 2018 йилнинг 29 октябрида эса Индонезияда худди шу турдаги самолётнинг фалокати сабаб 189 киши ҳалок бўлганди.
Изоҳ (0)