ТИВ Кореяга борадиган фуқароларни мамлакат ҳудудига олиб кирилиши тақиқланган озиқ-овқат маҳсулотлари рўйхати билан таништирди

Ўзбекистон Ташқи ишлар вазирлиги Кореяга борадиган фуқароларга баёнот билан чиқди.

Корея республикасининг Карантин ҳамда ҳайвон ва ўсимликлар инспекцияси агентлиги мамлакатда Африка чўчқа гриппи ва парранда гриппи тарқалишининг олдини олишга йўналтирилган чора-тадбирлар доирасида 2019 йилнинг 1 июндан бошаб қуйидаги гўшт маҳсулотларини мамлакатга олиб киришни тақиқлайди:

- гўшт ва гўшт маҳсулотлари: мол, чўчқа ва товуқ гўштлари, ветчина, сосиска/косбаса, қуритилган гўшт, пиширилган гўшт, консервалар ва ҳоказо;

- ҳайвон маҳсулотлари: буғу шохлари, суяклар, патлар ва ҳоказо;

- сут маҳсулотлари: сут, пишлоқ, ёғ ва ҳоказо;

- тухум ва тухум маҳсулотлари: товуқ ва қуш тухумлари, тухум оқи, тухум кукуни ва ҳоказо;

- уй ҳайвонлари учун озуқа, егулик, озиқ-овқат қўшимчалари ва ҳоказо.

Юқорида қайд этилган гўшт маҳсулотларини Корея Республикасига қонунга хилоф тарзда олиб киришга ҳаракат қилиш 5 миллион Корея вони (1$= 1155,57 вон) миқдоридаги жарима солинишига асос бўлади.

Жаримани тўламаслик мамлакатга 5 йил муддат ичида қайта киришга та’қиқ қўйилишига сабаб бўлади.