Банк бундан буён консерватив институт эмас, балки биринчи ўринда мижоз манфаати турадиган маскандир. «Мижоз – бизнинг бош қадриятимиз!» — «Invest Finance Bank» шиори бўлиб, у банк маҳсулотларида ўз ифодасини топган.
Ўтган апрель ойида ҳар йили ўтказиладиган BankExpo кўргазмасида InfinBANK одатий пул операцияларини осонлаштирадиган мобил иловани тақдим қилган эди. Банк иловаси орқали электрон ҳамён ёрдамида миллий валютадаги суммаларни комиссиясиз ўтказиш, омонат фоизларини онлайн тарзда олиш, «экспресс» ўтказмадана фойдаланиш мумкин. Энди эса бу қулайликлар қаторига кредитни online олиш имконияти ҳам қўшилди. 1 июндан бошлаб компания янги маҳсулот иш бошлаганини эълон қилди.
Кредитга замонавий ёндашув: ҳеч қандай кафил, даромад тўғрисида маълумотнома ва бошқа ҳужжатларсиз, навбатсиз ва узоқ вақт ариза жавобларини куттирмасдан тақдим этиладиган кредит – банк ходимларининг прогрессив фикрлашидан дарак берадиган хизмат. 8 миллион сўмгача бўлган кредитни олиш учун фақат интернет ва фаол UzCard картаси керак бўлади. Google play ёки AppStore ресурсларидан InfinBANK иловасини юклаб олиб, унда рўйхатдан ўтгандан кейин, мижоздан фақат ариза юбориш ва жавобни кутиш сўралади холос. Кредит бериш бўйича қарор автоматик тарзда бир неча соат ичида қабул қилинади.
Кредит ўтказиладиган сўмли InfinBANK картасидан фойдаланадиган мижозлар учун тизимнинг ўзи керакли сумма ва тўлов қобилияти ҳақидаги маълумотлардан ташқари барча керакли катакларни автоматик равишда тўлдиради. InfinBANK картасига эга бўлмаган мижозлар эса шу илованинг ўзида банкнинг кредит картасини очтириш учун онлайн режимда ариза қолдирадилар, унинг жисмоний эквивалентини эса мижоз рўйхатдан ўтган манзилдаги банк филиалидан ўзига қулай вақтда олиб кетиши мумкин бўлади. Кредитни автоматик сўндиришга мўлжалланган карта сифатида мижоз Ўзбекистондаги исталган банк картасини кўрсатиши мумкин.
Янгиланадиган кредит чеклови – online-кредитнинг ўзига хос хусусиятидир. Мазкур молия атамасида мижозга бўлган ғамхўрлик ва қулайлик мужассамлашган. Кредит сўндириб борилгач, сумма янгиланади ва муайян кредит чеклови доирасида пуллардан қайта фойдаланиш мумкин бўлади. Янгиланадиган чекловга эга online-кредитнинг устунликлари яққол ажралиб туради: бир марталик мурожаат, фоизлар фақатгина ишлатилган кредит чеклови учун ҳисобланиши, маблағни қайси мақсадда сарф этиш борасида банкка ҳисобот беришнинг ҳожати йўқлиги, шунингдек, 1 июндан 1 сентябрга қадар ўтказиладиган акция доирасида биринчи 25 кун давомида имтиёзли фоизсиз давр.
Изоҳ (0)