Тошкент вилоятида 3 та курорт қуриш учун 500 млн доллардан ортиқ маблағ жалб қилинади (видео)

Тошкент вилоятида учта курорт қуриш қуриш учун 500 миллион доллардан ортиқ маблағ жалб қилиниши режалаштирилмоқда. Бу ҳақда Бош вазир ўринбосари Азиз Абдуҳакимов «Ўзбекистон 24» телеканалига берган интервьюсида маълум қилди.

Чорвоқ эркин туристик зонасида «Чимён» ва «Белдирсой» халқаро тоғ-чанғи мажмуалари барпо этиш режалаштирилган.

Ушбу лойиҳаларга ажратиладиган инвестициялар миқдори 263,7 миллион ва 178,4 миллион долларга баҳоланмоқда.

Бундан ташқари, «Нанай» экотуристик» мажмуасини қуриш учун 62,4 миллион доллар ажратилади.

«Тошкент вилоятида учта — ‘Чимён’, ‘Белдирсой’ ва ‘Нанай’ халқаро даражадаги курортларни барпо этиш режалаштирилмоқда. Шунингдек, Амирсой ва Юсуфхона бўйича лойиҳалар ҳам давом эттирилмоқда. Ушбу лойиҳалар доирасида 40 километрдан ортиқроқ туристик тоғ-чанғи трассалари, 100 турдаги янги туристик хизматлар, меҳмонхоналарда 25 мингтадан ортиқ ётоқлар, 3000 та янги иш ўрни яратилади», — дейди Азиз Абдуҳакимов.

https://www.facebook.com/watch/?v=2340696029533593