Ер ресурслари, геодезия, картография ва давлат кадастри давлат қўмитаси раҳбарияти томонидан май ойида республиканинг барча вилоятлари бўйлаб оммавий сайёр қабуллар ўтказилди. Бу ҳақда қўмита матбуот хизмати хабар берди.
Раис ўринбосарлари бошчилигида ўтказилган жами 19 та сайёр қабулда 400 дан ортиқ фуқаро ва тадбиркорларнинг муаммолари тингланди ҳамда уларнинг аксарият қисми жойида ўз ечимини топган.
«Оммавий сайёр қабуллар ўтказилишидан кўзланган мақсад аҳолининг турли қатламлари билан тўғридан тўғри мулоқотни кенгайтириш, мавжуд долзарб муаммоларни аниқлаш, уларни бевосита жойида бартараф этиш юзасидан аниқ ва тезкор чоралар кўриш»,— дейди раси ўринбосари Ш.Ҳабибуллаев.
Қўмита раиси ўринбосарлари сайёр қабулларда қайта-қайта мурожаат қилаётган фуқаролар муаммоларини ҳал этишга алоҳида эътибор қаратган. Сайёр қабуллар давомида вилоят бошқармалари, ҳудудий Ермулккадастр давлат корхоналари ҳамда тегишли идора ва ташкилотлар раҳбарларига кўрсатмалар берилган.
Изоҳ (0)