Россиянинг Ленинград вилоятидаги қурилишда жароҳатланган етти киши ҳозир касалхонада даволанмоқда, деб хабар берди Sputnik.
Бундан аввал қурилиш объектидаги ҳавозалар қулаб кетиши натижасида етти киши, жумладан тўрт нафар Ўзбекистон фуқароси жароҳатлангани маълум қилинган эди.
Бош пудратчи бу лойиҳа бўйича субпудратчилар шуғулланиши ва улар ҳақида маълумотга эга эмаслигини маълум қилган.
Кейинчалик маълум бўлишича, қурувчиларнинг икки нафари махсус вертолётда Ленинград вилояти касалхонасига оғир аҳволда келтирилган. Беморлар дарҳол жонлантириш бўлимига ётқизилган ва операция қилинган.
Ҳозирда улар умумий бўлимга ўтказилган. Кейинроқ бу касалхонага учинчи қурувчи олиб келинган, яна бири эса Всеволожский туманлараро клиник касалхонасига ётқизилган.
Ўзбекистоннинг бош консулхонаси Ленинград вилоятининг тегишли органлари билан алоқа ўрнатган ва мазкур вазиятни ўз назоратига олган.
Изоҳ (0)