4 май куни Чилонзор туман ички ишлар органлари фаолиятини мувофиқлаштириш бошқармасига 30 ёшли Бекзод Р.дан ариза келиб тушди, деб хабар берди Тошкент шаҳар ИИББ матбуот хизмати.
Унга кўра шу куннинг ўзида соат 15:30 дан 17:30 гача номаълум шахс калит танлаш йўли билан хонадонга кириб, у ердан 1600 АҚШ доллари, 8 000 000 сўм ва қиймати 1 000 000 сўмга тенг бўлган аёллар сирғасини ўғирлаб, воқеа жойидан яширинган.
Ушбу факт бўйича Ўзбекистон Республикаси Жиноят кодексининг 169-моддаси (Ўғрилик) бўйича жиноий иш қўзғатилди.
Олиб борилган тезкор-тергов тадбирлар давомида аниқ бўлишича, ушбу жиноятни жабрланувчининг турмуш ўртоғи 25 ёшли Феруза Р. содир этган. Шу муносабат билан Ўзбекистон Республикаси Жиноят-процессуал кодексининг 84-моддасига (Айблилик тўғрисидаги масалани ҳал қилмай туриб жиноят ишини тугатиш учун асослар) мувофиқ, иш тўхтатилди.
Изоҳ (0)