«Самарқанд-Бухоро» йўлининг Оқдарё тумани ҳудудидан ўтувчи қисмида Isuzu автобуси ёниб кетди, деб хабар берди ИИВ Жамоатчилик ва ОАВ билан алоқалар бошқармаси.
29 май куни соат 19:00 ларда Самарқанд вилоятининг Паяриқ туманида яшовчи 28 ёшли Д.А бошқарувидаги Isuzu русумли автобусни Оқдарё тумани Мустақиллик МФЙ ҳудудидан ўтувчи «Самарқанд-Бухоро» йўлининг 12-километрида бошқариб кетаётган вақтида автобусда ёнғин содир бўлган.
Кўрилган чоралар натижасида ёнғин ўчирилган. Жароҳат олганлар йўқ. Ёнғин автобуснинг электр симлари қисқа туташуви оқибатида келиб чиққанлиги аниқланган. Келтирилган моддий зарар миқдори аниқланмоқда. Суриштирув ишлари олиб борилмоқда.
Изоҳ (0)