Чикагода отишма: 5 киши ҳалок бўлди ва яна 34 киши жароҳат олди

24—26 май кунлари Чикагода бир-бирга боғлиқ бўлмаган отишмалар оқибатида 5 киши ҳалок бўлди ва яна 34 киши жароҳат олди, деб хабар беради Фоурм Daily.

Биринчи нохуш ҳодиса 24 май кечаси содир бўлган. 15 ёшли ўсмир ва 27 ёшли эркак Жанубий Соер кўчаси бўйлаб кетаётганида ўқотар қуролдан жароҳат олган. Иккиси ҳам шифохонага етказилган.

Тҳе Chicago Tribune’нинг ёзишича, шу куннинг ўзида яна камида 9 киши ўқотар қуроллардан жабр кўрган. Отишма оқибатида жароҳат олганларнинг ёши 17—45 оралиғида.

25 май куни эса номаълум мерган уйининг четида турган 29 ёшли эркакни ўққа тутган ва оқибатда жабрланувчи ҳалок бўлган. Мазкур ҳолат бўйича ҳеч ким қўлга олинмаган.

Кечаси соат 22:00 да яна икки нафар эркак ҳаракатланиб кетаётган автомобиль ичидан отиб кетилган. Иккиси ҳам шифохонага олиб борилган, бироқ улардан бири вафот этган. Орадан бир неча соат ўтгач, полицияга кўчада тартибсизлик бўлаётгани ҳақида хабар етиб келган. Маълум бўлишича, пиёдалар йўлакчасида турган эркакни отиб кетишган. У ҳам воқеа жойида вафот этган.

26 май куни эрталаб 25—31 ёш оралиғидаги икки эркак ва икки нафар аёл ҳам ўқотар қуролдан жароҳат олган. Уларнинг барчаси шифохонага олиб борилган, бироқ эркаклар вафот этган. Аёлларнинг аҳволи барқарор эканлиги айтилмоқда. Полиция мазкур ҳодиса бўйича гумонланувчини қўлга олган.