Фотогалерея: Қадимги дунёнинг 7 мўъжизаси қандай кўринишда

Бугунги кунда саёҳатга отланган исталган киши аввал интернетга назар ташлайди. Бу билан у диққатга сазовор жойларнинг рейтингини, у ҳақида бошқа сайёҳларнинг фикрини, қаерга бориши маъқуллигини билиб олади. Бугунги кунда «Дунёнинг етти мўъжизаси» деб танилган сайёҳлик марказларининг рўйхати ана шу мақсадда тузилган.

Бу рўйхат ўзида милоддан аввалги 1 ва 2-асрга оид инсон тасаввури ва топқирлигининг ажойиб мисолларини, мукаммал меъморчилик ва муҳандислик, турли юнон ёзувчилари томонидан йўл кўрсатувчи сифатида қурилган маёқни жамлаган. Лекин сиз эндиги таътилингизда мана шу йўналишга қараб сафар қилсангиз, ҳафсалангиз пир бўлади. Улардан фақатгина Миср эҳромлари — Гиза пирамидаси вақт зарбаларига қарши туриб, бугунги кунгача етиб келди. Шундай бўлишига қарамасдан Будгет Direct меъморлик бюроси ушбу эҳромларнинг 3D суратини ишлаб чиқди, Travel Ask эса уларни омма эътиборига тақдим этди.

Родосдаги ҳайкал

Қадимги юнонларнинг қуёш худоси Гелиоснинг бронзадан ишланган улкан ҳайкали милоддан аввалги 280 йилда қурилган. Афсонага кўра ушбу ҳайкал 32 метр баландликни ташкил этган. 56 йилдан сўнг зилзила ҳайкални яксон қилган.

Милоддан аввал 4-асрда Родос оролига ҳужум қилинган. Бироқ, эрксевар родосликларнинг мардона қаҳрамонликлари туфайли улар ҳужумчи кипрликлар устидан ғалаб қозонган. Ушбу ғалабадан хотира қолдириш учун мудофаачилар дунёда энг катта ҳайкал ўрнатмоқчи бўлган. Родослик Колосс (юнонлар баланд ҳайкални шундай аташган) номи билан машҳур бўлган бу ҳайкал 12 йил давомида қурилган.  Майдонда бронзадан ясалган ўспириннинг қиёфаси қад кўтарган. Бу қадимги юнонларнинг Қуёш худоси — Гелиоснинг тасвири бўлиб, орол аҳолиси бу худони ўзларининг ҳомийлари деб ҳисоблаган. Ривоятларга қараганда, Родос ороли дастлаб денгиз остида бўлган, уни ёруғликка Қуёш худоси Гелиос олиб чиққан. Шу сабабли Родос оролини Гелиос ороли деб ҳам аталади.

Гиза пирамидаси

19-асргача инсоният Гизадаги пирамидадан ҳам баландроқ бино қура олмаган. Ушбу пирамида 4000 йилдан ортиқ вақт дунёнинг энг баланд биноси бўлиб қолди. Милоддан аввалги 2560 йилда Қадимги Миср аҳли баландлиги 147 метр бўлган пирамидани қуриб, Мисрнинг марҳум фиръавни Хуфуни жойлади.  Хуфу эҳромининг ҳар бир томони 233 метрга тенг, атрофини бир марта айланиб чиқиш учун бир километрга яқин йўл босиш керак. Ҳар бир плитанинг оғирлиги икки тоннага яқин.

Бобил осма боғлари

Бобил шоҳи Навоходoносор томонидан милоддан авв7алги тахминан 600 йилда барпо этилган. Бобил осма боғлари тоғга айвон усулида қурилган. Қадимги тарихчиларнинг хабар беришича, ўша пайтларда Бобил буюк давлат бўлиб, ўзининг деворлари, сарой, қаср ва даҳмалари билан машҳур бўлган. Осма боғлар устун қилиб юқорига кўтарилган бир нечта айвонлардан ташкил топган. Уларнинг баландлиги 24 метрдан 90 метргача етган. Дарахтлар ва гуллар айвон устида ўсган ва улар Фрот дарёси суви билан суғорилган.

Бу боғлар қадимги Шарқнинг энг катта ва бадавлат шаҳри — Бобилда (ҳозирги Ироқ давлати ҳудудида) бўлган. Самовий боғларнинг яратилиши ривоятларда аёл подшо Семирамида номи билан боғланади. Аслида эса улар подшо Навуходoносор фармойиши билан бунёд этилган.

Искандария майоғи

Мукаммалликнинг намунаси бўлган маёқ Мисрда милоддан аввалги IV асрнинг охири III асрнинг бошларида Пролемей Ининг буйруғига кўра қурилган. Бинонинг баландлиги 100 метрдан ошган ва у кўп йиллар давомида дунёнинг энг баланд бинолари рейтингида учинчи ўринни эгаллаб келган. Аммо XII ва XVI аср оралиғида бўлган зилзилалар сабаб, вайрон бўлган. Вақт ўтиши билан унинг ўрнида ўрта аср қалъаси қурилган.

Галикарнас мақбараси

Бугунги кунда кўҳна жой сифатида хизмат қиладиган улкан хонани тасвирлайдиган «мақбара» сўзи аслида шунчаки исм бўлган. Бу исм Каря шоҳининг исми бўлиб, у учун илк маротаба улкан, жуда мураккаб қабр қурилган. 45 метрли нуфузли мақбара ҳозирги Бодрум ҳудудида жойлашган бўлиб, милоддан аввалги  350 йилда қурилган. Миср, юнон ва ликия ҳайкалтарошлиги билан безатилган ҳашаматли оқ мармар жаноза ёдгорлиги XIII асрда юз берган бир неча зилзилалар қурбони бўлди.

Зевс ҳайкали

Ноёб ёғочлардан, тилладан, фил суяги ва қимматбаҳо тошлардан ишланган маҳобатли 13 метрли Зевс ҳайкали Олимп тоғида милоддан аввалги 430 йилда қурилган. Аммо у узоқ вақт инсонларни ҳайратга сололмади. 425 йилда бўлган ёнғинда ҳайкал вайрон бўлган.

Эфесдаги Артемида ибодатхонаси

Кичик Осиёда жойлашган бу ибодатхона милоддан аввалги 356 йилда қурилган. Артемида қадимги Римда Диана номи билан машҳур бўлиб, ов илоҳаси бўлган. Ушбу илоҳа шарафига Эфесда (ҳозирда Туркияда) милоддан аввалги VI асрда ибодатхона қурилиб, ёниб кетгандан кейин милоддан аввалги  356 йилда қайта тикланган. Археологларнинг айтишича, ибодатхона узунасига 104 метр, ёнмачасига 50 метрни ташкил этган. Унинг тош устунлари эса 18 метрдан баланд бўлган.