Кўпчилик учун музлаткич эшигидаги магнитлар ёқимли эсдалик, саёҳатдан олиб келинган совға ёки интерерга ўзгача кўриниш берувчи безакдир. Аммо бу оддий кўринган буюмлар ортида саломатлик ва техника хавфсизлигига таҳдид солувчи омиллар яширинган бўлиши мумкин. Ушбу мақолада музлаткичдаги магнитлар аслида қандай хавф туғдириши ҳақида сўз юритамиз.

Магнит майдонининг электроникага таъсири

Магнит майдонининг маиший техникага салбий таъсири ҳақидаги миш-мишлар асоссиз эмас. Катод нурли трубкалар (CРТ)дан ишлаб чиқилган мониторлар давридаёқ магнитлар экран яқинига қўйилганда ранг узатишда бузилишлар бўлиши, ҳатто монитор ишдан чиқиши мумкинлиги аниқланган. Чунки бундай экранларда тасвир электронлар устида магнит майдони орқали ҳосил қилинади. Шунинг учун улар магнит таъсирига айниқса сезувчан бўлади.

Оптик стабилизацияли смартфон камераларида ҳаракатланувчи деталлар мавжуд бўлиб, магнитга яқин ерда жойлашган бўлса, бу қисмлар деформацияланиши мумкин. Худди шундай тартибда баъзи сенсорлар (компас, магнитометр) ҳам магнитлар сабаб нотўғри ишлаши мумкин.

Магнитларнинг саломатликка таъсири

Музлаткичдаги магнитлар ҳам бундан мустасно эмас. Дунё бўйлаб шундай электрон қурилмалар борки, улар ҳаёт давомийлиги учун хизмат қилади. Юрак стимуляторлари бунга мисол бўлади. У магнит майдонига яқин келса, оғир оқибатларга олиб келиши мумкин, шу сабабли юрак стимулятори ўрнатилган одамлар магнит майдонига яқинлашмаслиги, МРТ текширувларидан ўтмаслиги ва мобил телефонни стимуляторга 30 сантиметрдан яқин тутмаслиги керак.

Foto: Medicare Spots — Фото: Medicare Spots

Тиббий тадқиқотларга кўра, юрак стимуляторининг айрим моделларидаги электрон схемалар магнит майдон таъсирида бошқа режимга ўтиб, юрак уришини нотекис бўлишига ва ҳаттоки юрак фибрилляциясига олиб келиши мумкин. Бунда юрак стимуляторининг импулс генератори ташқи магнит майдонни нотўғри қабул қилиши ва тўсатдан ишини тўхтатиши ёки аксинча, ҳаддан ташқари юқори частотада ишлай бошлаши мумкин.

Музлаткичнинг электрон қисмларига магнитнинг зарари

Foto: Hi-tech.mail.ru — Фото: Hi-tech.mail.ru

Яна бир хавф магнитларнинг замонавий музлаткичларнинг олд панелидаги сенсорли дисплейларига таъсиридир. Дисплей бутунлай ўчиб қолиши ёки баъзи белгилар ишламай қолиши мумкин. Бу эса қиммат таъмирлаш ишларини талаб қилади.

Компьютер қаттиқ дискига таъсири

Магнитларни системали блок корпусига ёпиштирганлар ҳам хавф остида. Кучли магнитлар қаттиқ дискга яқин турганда унинг маълумот ўқийдиган қисми силжиб кетиши ва хатоликлар келиб чиқиши мумкин.

Музлаткич бўёқ қопламасининг бузилиши

Эстетик жиҳатни ҳам унутмаслик керак. Узоқ вақт давомида эшикда турган магнитлар лак-бўёқ қатламининг сифатига салбий таъсир қилади. Натижада магнит тагида қорамтир ёки сарғиш доғлар, ҳаттоки занг пайдо бўлиши мумкин. Бу эса музлаткич ташқи кўринишига путур етказади.

Албатта, илиқ мамлакатлардан олиб келинган бир-икки эсдалик магнит катта зарар келтириши эҳтимолдан йироқ. Аммо агар бутун эшик магнитлар билан тўлиб кетган бўлса, оқибатлари ачинарли бўлиши мумкин. Шунинг учун магнит майдонининг салбий таъсирини эътиборсиз қолдирмаслик керак. Танасида тиббий қурилма бўлган инсонлар эса магнитлардан бутунлай йироқ бўлиши мақсадга мувофиқ.

Тошкентда ўқув-симуляция маркази фойдаланишга топширилди

Муаллиф: azizbek

Изоҳлар

Сўнги янгиликлар

Тавсия этамиз

Теглар

Ижтимоий тармоқлар:

Тавсиялар