Асли тошкентлик модельер Женя Ким Forbes рўйхатига киритилди

Келиб чиқиши тошкентлик бўлган дизайнер Женя Ким Россиянинг 30 ёшга тўлмаган энг нуфузли шахслари рўйхатидан жой олди. Бу ҳақда Repost хабар берди.

Хабарда айтилишича, миллати корейс бўлган ёш дизайнер 18 йил олдин Ўзбекистондан Россиянинг Москва шаҳрига кўчиб ўтган. Осиё маданияти негизи асосида бренд концепциясига эга бўлишдан олдин, у уч йил давомида спорт ва бизнес услубида ўзини синаб кўрган. Миллий либоснинг гўзаллигини кўрсатишга бўлган ҳаракатлари Кимни мода саноатида машҳур қилди.

https://www.instagram.com/p/BL53gH8jtXT/?utm_source=ig_embed

16 декабрда Женя Ким Тошкентга келди ва ўз брендини яратиш ва йўлга қўйиш мавзусида маҳорат дарслари ва маърузалар ўтказди. Дизайнер Ўзбекистонга Тошкентда ташкил қилинган 71publictalks лойиҳасининг таклифига биноан келди.

https://www.instagram.com/p/Bfizs2dBY_F/?utm_source=ig_embed

Forbes’нинг «30 дан 30гача»  рейтинги даромадни намойиш қилмайди, шунинг учун бу нашрда иштирокчиларнинг шахсий даромади эътиборга олинмади. Рўйхатда тадбиркорлар, ижодий касб эгалари, хайрия ўтказувчилар ва спортчилар бор. Улар орасида Android роботининг яратувчиси, Монако футболчиси, «Yandex.Taxi»нинг бошқарувчи директори, квант блокчейн яратувчиси, поп қўшиқчи ва бошқа ёш қаҳрамонлар бор.

https://www.instagram.com/p/BZERVk7hzEo/?utm_source=ig_embed

https://www.instagram.com/p/BRja_glBk1K/?utm_source=ig_embed