Бош прокуратура ҳузуридаги Департаментнинг Тошкент шаҳар бошқармаси ва Учтепа туман бўлими ходимлари томонидан тезкор тадбир ўтказилди, деб хабар берди Бош прокуратура матбуот хизмати.
Тезкор тадбирда, фуқаро Ж.Ш ЯТТ «А.Б»нинг муҳридан фойдаланиб, унинг номидан сохта юк-хатини тайёрлаб, Литва давлатида ишлаб чиқарилган, истеъмол қилиш муддати ўтган жами 550 килограмм сариёғни ҳар бир килограммини 56,0 минг сўмдан ҳисоблаб 30,8 миллион сўмга сотган вақтида ашёвий далиллар билан ушланган.
Тадбир жараёнида, Ж.Шнинг кўрсатмаси бўйича Тошкент вилояти Зангиота туманида жойлашган «З-Т» МЧЖ омборхонаси кўздан кечирилганда Литва давлатида ишлаб чиқарилган истеъмол қилиш муддати ўтган жами 22 450 килограмм сариёғ мавжудлиги шунингдек, «I-Ф» МЧЖ томонидан мазкур омборхонадан 625 килограмм сариёғ «Ўрикзор» савдо мажмуаси ҳудудида савдога қўйилганлиги аниқланган.
Шунингдек, ўтказилган лаборатория таҳлили натижаларига кўра ушбу сариёғ маҳсулотлари истеъмолчиларнинг ҳаёти ва хавфсизлиги талабларига жавоб бермаслиги аниқланган.
Тадбир якуни бўйича, умумий нархи 1,3 миллиард сўмлик жами 23 625 килограмм истеъмол қилиш муддати ўтган сариёғ маҳсулотлари олиб қўйилган.
Мазкур ҳолат юзасидан Ж.Шга нисбатан Ўзбекистон Республикаси Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Изоҳ (0)