Лондон чеккасидаги Илфорд туманида жойлашган масжидда отишма содир бўлди, деб хабар берди «Корреспондент.net». Шу сабабли воқеа жойига етиб келган полиция масжидни ўраб олиб, ёпиб қўйган.
Қайд этилишича, воқеа 9 май куни Етти қирол масжиди (Seven Kings Mosque)да содир бўлган. Масжидда ибодатга йиғилган намозхонлар бўлган. Шу вақтда номаълум шахс тўппончадан ўқ узган.
Полиция воқеа натижасида ҳеч ким жабрланмаганини маълум қилган. Ҳуқуқ-тартибот ходимлари отишма содир этган шахсни қидирувга берган. Полиция содир бўлган ҳолатни террорчилик деб баҳоламаган.
Эслатиб ўтамиз, 15 март куни қуролланган шахслар Янги Зеландиядаги иккита масжидга кириб, отишма уюштирган, 50 киши ҳалок бўлган, 48 киши жароҳатланган эди.
21 апрелда эса Шри-Ланкада пасха байрами нишонланаётган черковлар ва меҳмонхоналарда 8 та портлаш бўлган. Натижада 310 киши ҳалок бўлган, 480 киши жароҳат олган эди.
Изоҳ (0)