«Наманган» эркин иқтисодий зонасида 5 миллион евролик илк лойиҳа — «Chust textile» хусусий корхонасининг биринчи навбати ишга туширилди. Бу ҳақда «Дарё»га вилоят ҳокимлиги ахборот хизмати маълум қилди.
Бу билан 750 та янги иш ўрни яратилди. Корхонада йилига 10 миллион долларлик маҳсулотни хорижга экспорт қилиш кўзда тутилган.
Чуст тумани, Сабзазор массивидаги бўялган мато ва тикувчилик трикотаж маҳсулотлари ишлаб чиқаришга ихтисослашган мазкур корхонанинг очилиш маросимида вилоят ҳокими Хайрулло Бозоров корхона таъсисчиси Жамшидбек Исматуллаевга Наманган эркин иқтисодий зонасининг биринчи рақамли гувоҳномасини топширди.
Маълумот учун, «Наманган» ЭИЗ учун вилоятнинг Чуст туманидаги Сабзазор ва Зарафшон массивларидан 410,4 гектар, Тўрақўрғон туманидаги Ибрат массивидан 271 гектар, жами 681,4 гектар ер майдони ажратилган.
Изоҳ (0)